Presidenti i Republikës, Sh. T. Z. Bajram Begaj, priti sot Ambasadorin e ri të Norvegjisë në Shqipëri, Arne Sannes Bjørnstad, të cilit i pranoi Letrat Kredenciale.

Gjatë takimit u vlerësuan marrëdhëniet shumë të mira në planin politik mes dy vendeve dhe njëherazi u shpreh vullneti i përbashkët për forcimin e mëtejshëm të bashkëpunimit ekonomik.

Ndiq "TiranaDiplomat.com" në Facebook

Norvegjia është prezente në Shqipëri që pas viteve ’90 me disa projekte, kryesisht në fushën e energjisë, dhe në këtë aspekt Presidenti Begaj vlerësoi interesin për investime të kompanive norvegjeze duke inkurajuar zgjerimin e bashkëpunimit në këtë sektor, por dhe në fusha të tjera që do të sillnin përfitime për të dyja vendet.

Presidenti i Republikës i përcolli Ambasadorit Arne Sannes Bjørnstad mirënjohjen ndaj qeverisë së Norvegjisë për ndihmën e dhënë ndaj Shqipërisë në procesin e reformave nëpërmjet financimit të projekteve të zhvillimit.

Gjithashtu, Presidenti i Republikës shprehu mirënjohje ndaj Norvegjisë për ndihmën e dhënë ndaj Kosovës dhe për mbështetjen e vazhdueshme në përpjekjet e integrimit rajonal.

Burimi President.al