U zhvillua sot në Romë takimi bilateral midis Drejtorit të Përgjithshëm të Agjencisë Kombëtare të Mbrojtjes Civile, Haki Çako dhe Kreut të Departamentit të Mbrojtjes Civile Italiane, Fabrizio Curcio.

Në këtë takim u diskutua mbi bashkëpunimin dhe konsolidimim e marrëdhënieve dy palëshe në kuadër të zvogëlimit të risqeve nga fatkeqësitë dhe konsolidimet e sistemeve të mbrojtjes civile të dy vendeve.

Fokus i rëndësishëm u konsiderua roli strategjik i Italisë dhe mbështetja e qeverisë italiane për Sistemin e Mbrojtjes Civile në Shqipëri dhe suporti në Mekanizmin e Mbrojtjes Civile
Europiane, pas anëtarësimit të Shqipërisë në këtë mekanizëm.

Gjithashtu në këtë takim u diskutua mbi implementimin e aktiviteteve dhe projekteve të përbashkëta në kushtet e ndryshimeve klimaterike dhe përballimit e menaxhimit të fatkeqësive natyrore në vendet tona dhe në rajon. /ATSH