Kryeministri Edi Rama shprehu sot ngushëllimet për ndarjen nga jeta të ish-kryeministrit italian, Silvio Berluskoni.

“Addio Presidente e buon amico dell’Albania” (Lamtumirë President dhe mik i mirë i Shqipërisë), shkruan Rama, në një postim në rrjetet sociale.

Ish-kryeministri italian, Silvio Berluskoni ndërroi jetë mëngjesin e sotëm, në spitalin “San Raffaele” në Milano.

Lideri i “Forza Italia” dhe themeluesi i “Mediaset”, u shua në moshën 86-vjeçare, ndërsa vuante nga leucemia.