Forcat e Armatosura shqiptare vijojnë kontributin në misionet jashtë vendit.

Ministri i Mbrojtjes, Niko Peleshi bëri të ditur se Shqipëria me kontingjentin e saj të 13-të po merr pjesë në grup-batalionin e NATO-s në Letoni.

“Vendi ynë ka dëshmuar se është jo vetëm faktor paqeje dhe stabiliteti rajonal e më gjerë, por edhe një aleat serioz, i cili merr përsipër dhe mban barrën e detyrimeve në kuadër të mbrojtjes kolektive të Aleancës”, tha Peleshi.

Kontingjenti XIII EOD merr pjesë në misionin e Prezencës së Përparuar të Përforcuar (Enhanced Forward Presence – eFP) të NATO-s, si pjesë e grup – batalionit kanadez të dislokuara në Letoni.