Komisioni Evropian miratoi një paketë të re financiare me vlerë 2.1 miliardë Euro për të mbështetur në Ballkanin Perëndimor në 14 projekte investimesh në transport, energji, mjedis, kapital njerëzor dhe mbështetjen e sektorit privat.

Kjo është paketa e pestë e investimeve në kuadër të Planit Ekonomik dhe Investimeve të BE-së për Ballkanin Perëndimor. Komisioneri i BE-së për Fqinjësinë dhe Zgjerimin, Olivér Várhelyi, tha:

“Me këtë paketë të re investimi po u dërgojmë një mesazh të qartë partnerëve tanë të Ballkanit Perëndimor: se ardhmja e tyre është brenda BE-së dhe ne po bëjmë përparim të qëndrueshëm për zhvillimin ekonomik.”

Paketa e investimeve prej 2.1 miliardë Euro, e cila përfshin 528 milionë Euro grante të BE-së nga Instrumenti i Asistencës së para-anëtarësimit (IPA III), kontribute shtesë dypalëshe nga shtetet anëtare të BE-së dhe Norvegjia, hua nga institucionet financiare ndërkombëtare është miratuar nga Bordi Operativ i Kornizës së Investimeve të Ballkanit Perëndimor.