Nga Dash Frashëri, botues TiranaDiplomat.com

Nis me një spektakël fantastik në kryeqytet Java e Kulturës së Malit të Zi. Një javë e mbushur me aktivitete kulturore, filma me autor malazez, koncerte e festa, të cilat kanë si qëllim që qytetarët shqiptarë të prekin nga afër vlerat kulturore, artistike e jo vetëm të vendit fqinjë, Malit të Zi.

E kam pritur me interes Javën Kulturore të Malit të Zi, vendit fqinj, i cili po njeh një zhvillim shumë dinamik, sidomos në aspektin turistik, ku arkëton shumë marramëndëse, nëse do të niseshim për nga formati gjeografik dhe demografik.

Një bisedë e ngrohtë dhe informuese me zv.ambasadorin e Malit të Zi, Pavel Karinikic, i cili “zbulon” edhe disa nga “sekretet” e Javës, dhe vecanërisht të ekspozitës të kostumeve popullore të vendit fqinjë.

Java e Kulturës së Malit të Zi, nis zyrtarisht me takimin midis dy ministreve të Kulturës: Elva Margariti dhe Maša Vlaović, në Ministri – ku nuk mungoi edhe shkëmbimi tradicional i dhuratave simbiolike – dhe më pas me një konferencë shtypi shumë interesante tek instalacioni “Reja”.

Java e kulturës së Malit të zi e cila nisi sot me paradën tradicionale “Mažoretknija”, ku performon një bandë muzikore dhe një grup vajzash shumë entuziaste në versionin “chearleader”.

Spektakël i jashtëzakonshëm. Qindra të pranishëm në Pedonalen e Toptanëve, përfshirë edhe turistë të huaj shijojnë shfaqjen dhe bëjnë videoregjistrime me celularet e tyre, ashtu si dhe unë.

Ekspozita e kostumeve popullore malazeze është shumë interesante dhe e pasur, me një ngjashmëri jo të vogël me kostumet shqiptare. Në fakt, ka dhe kostume të shqiptarëve të Malit të Zi.

Gjithcka është organizuar në mënyre perfekte, sic janë dhe marrëdhëniet midis dy vendeve tona.

Java e kulturës së Malit të Zi, nisi sot dhe përfundon më 14 korrik 2023.

Ekspozita të libra të shkrimtarëve të njohur malazezë; shfaqjen e dy filmave të prodhuar në Malin e zi dhe në fund, java e Malit të Zi do të mbyllet me koncertin e kuartetit të harqeve të Orkestrës Simfonike të Malit të Zi.