Ministri i Mbrojtjes, Niko Peleshi ndodhet për një vizitë zyrtare në Londër.

Ndalesa e parë e ministrit Peleshi ishte në, qendrën e inovacionit të Komandës Strategjike të Ministrisë së Mbrojtjes së Mbretërisë së Bashkuar.

Peleshi theksoi se në këtë qendër ndërlidhet teknologjia dhe talenti i klasit botëror me përdoruesit në të gjithë sistemin e mbrojtjes.

Ministri u shpreh se kjo qendër është një shembull për Qendrën e re të Inovacionit që do të hapet së shpejti edhe në Shqipëri.

“Në Britaninë e Madhe, ku ndalesa e parë ishte në JHubDefence, qendrën e inovacionit të Komandës Strategjike të Ministrisë së Mbrojtjes së Mbretërisë së Bashkuar, aty ku ndërlidhet teknologjia dhe talenti i klasit botëror me përdoruesit në të gjithë sistemin e mbrojtjes. Një shembull për Qendrën e re të Inovacionit që do të hapet së shpejti edhe në Shqipëri!”, shkroi Peleshi në një postim në rrjetet sociale.