Nga dita në ditë po dalin në dritë pikturat shumëngjyrëshe në Muzeun Etnografik të Krujës.

Me mbështetjen e ekipit të konservimit nga Instituti i Konservimit në Universitetin e Arteve të Aplikuara në Vjenë, krahas specialistëve të angazhuar në procesin e restaurimit dhe rijetësimit të këtij monumenti, të përfshirë në Programin EU4Culture, po kryen punimet më të imëta në një nga muzeumet më të vizituar në Krujë.

Shumë shpejt ky muze do t’i prezantohet publikut, tërësisht i rinovuar, me një koncept të ri dhe modern.

POSTIMI I EU4CULTURE

Kemi kënaqësinë të ndajmë me ju lajmin e mirë se me mbështetjen e paçmuar të ekipit të konservimit nga Instituti i Konservimit në Universitetin e Arteve të Aplikuara në Vjenë, krahas specialistëve tanë, po kryen punimet më të imëta në Muzeun Etnografik të Krujës. Ata po punojnë për pastrimin përfundimtar, ruajtjen e objekteve dhe vendosjen e ekraneve.

Çdo ditë që kalon na afron me momentin kur do të shohim transformimin e jashtëzakonshëm të ?? Muzeut Etnografik të Krujës. Së shpejti, këto ekspozita të rikonceptuara do t’i zbulohen publikut nga Shqipëria dhe e gjithë bota.

Na ndiqni për më shumë përditësime!