Prefektja e qarkut të Elbasanit Znj. Majlinda Peza priti në një takim zyrtar në institucionin që drejton me Të Ngarkuarin  me Punë të Ambasadës së Kinës, Wang Dexin. Pas shtrëngimit të duarve mes dy zyrtarëve të lartë, biseda u përqendrua te mardhëniet e hershme midis dy vendeve, Kinë-Shqipëri dhe kontributi disa vjecar i Kinës në një qytet industrial si Elbasani. Prefektja Peza u kujdes t’i përcillte një informacion të plotë ambasadorit kinez për Qarkun dhe bashkinë e Elbasanit, duke e njohur me resurset dhe potencialet që posedon dhe mundësinë e bashkëpunimit në të ardhmen në fushën e turizmit dhe më gjërë.

“Elbasani ka një lidhje të ngushtë me Kinën. Ne këtu kemi një lagjie që njihet “Kinezët”, ndaj herën tjetër që do të vini do tju shoqëroj ta vizitoni.Në zonën industriale deri në vitet 90-të ka pas ekzistuar teknologjia Kineze , por që fatkeqësisht sot janë rrënuar. Do ishte e mira që ne ti rikthenim investimet në zonat industriale, ndaj kontributi dhe ndihma juaj do të ishte e vyer-citoi ndër të tjera Znj.Peza.

Ambasadori kinez e informoi prefekten se vizitën e sotme në Elbasan e kishte nisur duke vizituar zonën industriale në Elbasan . Në vijim u shpreh i hapur dhe dashamirës ndaj të tjera bashkëpunimeve mes dy vendeve, vecanërisht në fushën e industrisë.

“Në fakt sot para se të vija në takim u ndala fillimisht në zonën industrial. Jam i habitur sesi muret dhe godinat ishin shkatarruar. Bashkëpunimin me Elbasanin, por dhe qytetet e tjera e shoh në fushën e turizmit. Siç e thatë dhe ju këtu vijnë, por dhe jetojnë shumë kinezë.Po kaq të rëndësishëm shoh dhe bashkëpunimin në fushën e edukimit mes dy vendeve”-theksoi Z.Wang Dexin

Sipas Pezës heqja e vizave mes dy vendeve vecse e thellon bashkëpunimin Kinë-Shqipëri.
“Jam e lumtur që qeveritë tona vendosën heqen e vizave , sepse kjo I jep një mundësi të mirë sektorit të turizmit të lulëzojë, pasi kultura I bashkon popujt.Ju ndodheni sot në qytetin e traditës, kulturës dhe arsimit. Elbasani është një qytet artëdashës dhe nyje e rëndësishme strategjike. Në dijeninë time në Pekin gjendet qendra albanologjike, ku ofrojnë kontributin e tyre pedagog edhe nga Elbasani. Për pasojë ndaj mendimin se bashkëpunimi mes dy vendeve duhet të marrë impulse të reja, vecanërisht me qytetin e Elbasanit”-përfundoi prefektja e Elbasanit.

Mes dy zyrtarëve , sikundër e do tradita pati shkëmbime dhuratash simbolike.

I Ngarkuari me Punë i Kinës në Shqipëri, Wang Dexin, u takua të premten me kryetarin e bashkisë së Elbasanit Gledian Llatja. I Ngarkuari me Punë i Kinës u shpreh që Kina dhe Shqipëria kanë një miqësi të vjetër dhe bashkëpunimi dypalësh ka një bazë të fortë te të dy popujt.

Pala kineze i kushton rëndësi bashkëpunimit në nivel pushteti vendor me palën shqiptare dhe është e gatshme që të thellojë lidhjet me bashkinë e Elbasanit. Kina dëshiron të nxitë shkëmbimet dhe bashkëpunimin dypalësh në bujqësi, turizëm, kulturë dhe arsim, në të mirë të të dy popujve.

Sakaq, Kryebashkiaku Gledian Llatja vlerësoi lart bashkëpunimin mes bashkisë së elbasanit e palës kineze dhe u shpreh që pala shqiptare është e gatshme të zhvillojë shkëmbime e bashkëpunim me palën kineze në fushën e investimeve, kulturës etj. Turizmi dhe bujqësia janë sektor të rëndësishëm të zhvillimit të Elbasanit dhe pala shqiptare kërkon të thellojë më tej bashkëpunimin me palën kineze në këtë fushë.

Infoweb Media!