Ambasadori i Shqipërisë në Serbi, Dr. Bardhyl Canaj, zhvilloi një takim me Ambasadorin e OSBE-së në Serbi, Jan Braathu.

Sipas ambasadës, tematika e bashkëbisedimit u fokusua mbi situatën zgjedhore në Serbi dhe pjesëmarrjen e minoritetit shqiptar në këto zgjedhje.

“Kënaqësi të takoja Ambasadorin e OSBE-së në Serbi, Jan Braathu.

Bashkëbisedim tejet i frytshëm për situatën zgjedhore në Serbi dhe pjesëmarrjen e minoritetit shqiptar në këto zgjedhje”, shkruan ambasada shqiptare në faqen e saj në rrjetet sociale.