![](https://www.tiranadiplomat.com/wp-content/uploads/2024/01/shba.jpg)
SHBA: Të përkushtuara të punojmë me Shqipërinë kundër trafikut të drogës dhe pastrimit të parave
Sot është aktive linja e sinjalizimit të Agjencisë së SHBA Kundër Narkotikëve.
![](https://www.tiranadiplomat.com/wp-content/uploads/2024/01/shba.jpg)
Ambasada e SHBA-së në Tiranë deklaroi sot se “SHBA janë të përkushtuara të punojnë me Shqipërinë për të luftuar trafikun e drogës dhe pastrimin e parave të lidhura me të, për një të ardhme më të mirë për të gjithë shqiptarët”.
Në këtë drejtim, ambasada bëri të ditur sot se është aktive linja e sinjalizimit të Agjencisë së SHBA Kundër Narkotikëve.
Ambasada bën të ditur se DEA nxit këdo që ka informacion në lidhje me trafikun e drogës ose pastrimin e të ardhurave nga droga ta ndajë informacionin me personelin e DEA-s, ndërsa ndan edhe kanalet zyrtare me të cilat qytetarët mund të kontaktojnë.
DEA siguron se të gjitha të dhënat do të mbahen të fshehta.
“Falënderimet tona për të gjithë ata individë që kanë dorëzuar të dhëna të besueshme që kanë mbështetur operacionet e DEA-s”, thuhet në njoftim.
(ATSH(