Ilir Mengra është emëruar sot në postin e drejtorit të përgjithshëm të Shërbimit të Transportit Rrugor, pas emërimit në postin e ministrit të Ekonomisë, Kulturës dhe Inovacionit të Blendi Gonxhes.

Ministri Gonxhja bëri të ditur se Menga ka qenë pjesë e ekipit të tij në DPSHTRRR dhe se së bashku punuan për përmirësimin e shërbimit të transportit rrugor.

“Stafetë emocionuese sepse të dy punuam gjatë sëbashku dhe e ngritëm shërbimin në nivelin e sotëm! Kënaqësi që Kryeministri, Zv/kryeministrja dhe MIE i dhanë besim vazhdimësisë së punës dhe qendrueshmërisë së ekipit, duke na vlerësuar dhe duke mbështetur eksperiencën positive. Iliri ka spikatur si një profesionist shumë i aftë dhe i përkushtuar, duke treguar vazhdimisht cilësi shumë të mira drejtuese e ndaj jam i bindur që do të çojë përpara projektet e nisura, ku ndihma e mbështetja ime s’do të mungojnë, tashmë si Ministër i Ministria e Ekonomisë, Kulturës dhe Inovacioni”, u shpreh ministri.

Ndiq "TiranaDiplomat.com" në Facebook

Gjatë ditës së sotme po ashtu, Afrim Tole u emërua drejtor Shërbimit të Transportit Rrugor për Tiranën.