Ministri i Mbrojtjes, Niko Peleshi mori pjesë në takimin e Grupit të Kontaktit për Ukrainën UDCG, së bashku me 50 aleatë dhe partnerë nga e gjithë bota.

Ministri Peleshi bëri të ditur se gjatë takimit u diskutua mbi bashkëpunimin e sigurisë për Ukrainën.

Në kuadër të asistencës dhe ndihmave ushtarake, Ministria e Mbrojtjes dhe Forcat e Armatosura të Shqipërisë, deri më tani kanë akorduar disa paketa ndihmash dhe asistence ushtarake.

“Shqipëria mbetet e angazhuar për të luajtur një rol parësor në përpjekjet ndërkombëtare për rivendosjen e sundimit të së drejtës ndërkombëtare dhe garantuar sigurinë europiane”, u shpreh Peleshi.