Ministri i Drejtësisë, Ulsi Manja priti sot në takim Komisioneren për të Drejtat e Njeriut të Azerbajxhanit (Ombudsman), Sabina Aliyeva.

Manja theksoi se roli i ombudsmanëve (Avokati i Popullit) është i pazëvendësueshëm në respektimin e të drejtave dhe lirive themelore të njeriut.

Në takim u bisedua gjithashtu mbi thellimin e bashkëpunimit midis dy ombudsmanëve.

“Si vende mike biseduam mbi thellimin e bashkëpunimit midis dy ombudsmanëve dhe rolin e pazëvendësueshëm të tyre në respektimin e të drejtave dhe lirive themelore të njeriut”, shkroi Manja në një postim në rrjetet sociale. (ATSH)