Gonxhja: Shqipëria, progres në CEFTA dhe tregun e përbashkët rajonal

Ministri i MEKI mori pjesë në konferencën e ministrave te ekonomisë të WB6, të ftuar nga Ministria Federale Gjermane për Ekonominë, Tregtinë dhe Klimën.


“Ballkani Perëndimor, si një rajon ekonomik në rrugën drejt Bashkimit Evropian” ishte tema e konferencës së sotme ku morën pjesë ministrat e ekonomisë të vendeve të WB6, të ftuar nga Ministria Federale Gjermane për Ekonominë, Tregtinë dhe Klimën.

Ndër të pranishmit ishin gjithashtu ministra të ekonomisë të disa vendeve të BE-së, përfaqësues të Komisionit Evropian (DG NEAR), OECD, Dhoma Gjermane e Industrisë dhe Tregtisë, Dhoma e Investimeve të WB6 (CIF), Dhomës Shqiptare e Tregtisë dhe Industrisë, si dhe përfaqësues të shumtë të sektorit privat.

Gjatë fjalës së tij, ministri i Ekonomisë, Kulturës dhe Inovacionit, Blendi Gonxhja nënvizoi arritjet e Shqipërisë në kuadër të Marrëveshjes CEFTA dhe Planit të Veprimit të Tregut të Përbashkët Rajonal. Sipas tij, vendi ka bërë përparime të rëndësishme në lehtësimin e tregtisë së mallrave dhe shërbimeve, si dhe në lëvizjen e lirë të punonjësve, çka ka sjellë një rritje të dukshme të volumit tregtar dhe ka forcuar bashkëpunimin institucional rajonal.

Gonxhja evidentoi ecurinë e mirë të Shqipërisë në këtë rrugëtim, duke identifikuar gjithashtu tri sfida kryesore të përbashkëta për vendet e Ballkanit Perëndimor, që kërkojnë mbështetjen e vazhdueshme të BE-së: zhvillimi i infrastrukturës moderne; harmonizimi i legjislacionit me standardet e BE-së; integrimi ekonomik dhe tregtar për ndërtimin e një ekonomie të qëndrueshme dhe konkurruese.

Seanca Plenare: Plani i veprimit dhe investimet

Pas konferencës u mbajt një seancë plenare me ministrat përgjegjës për ekonominë e vendeve të WB6, nën drejtimin e Ministrisë Federale Gjermane për Ekonominë, Tregtinë dhe Klimën. Kjo seancë u përqendrua në Planin e Veprimit të Përbashkët dhe tërheqjen e investimeve, si një motor kyç për zhvillimin rajonal.

Gonxhja vuri në dukje sfida të rëndësishme, si heqja e barrierave teknike, fiskale dhe fizike, optimizimi i sistemit doganor dhe harmonizimi legjislativ, që janë prioritet për të përmirësuar tregtinë në rajon dhe me BE-në. Përmirësimi i infrastrukturës dhe dixhitalizimit janë gjithashtu thelbësore për ndërtimin e një ekonomie konkurruese.

Lidhur me investimet, momenti aktual shihet si një mundësi unike për vendet e Ballkanit Perëndimor. Duke përafruar politikat dhe standardet me ato të BE-së dhe praktikat më të mira ndërkombëtare, vendet e rajonit mund të hapin dyert për investime kapitale dhe të krijojnë një treg më të madh e më të favorshëm për investitorët, si vendas ashtu edhe të huaj.

Në përfundim të takimeve, u theksua se udhëtimi drejt integrimit evropian është një sfidë komplekse që kërkon mbështetje politike, përkushtim të vazhdueshëm dhe angazhim të të gjithë aktorëve — nga qeveritë, te bizneset dhe shoqëria civile. Suksesi i këtij udhëtimi varet nga bashkëpunimi rajonal dhe vizioni i përbashkët për një prosperitet të përbashkët.
Procesi i Berlinit, pavarësisht vështirësive, synon të sjellë përfitime të qëndrueshme për vendet e Ballkanit Perëndimor, duke i afruar gjithnjë e më shumë me Bashkimin Evropian.

(ATSH)

Lexo më shumë nga

PE hap zyrë për Ballkanin Perëndimor në Tiranë, Rama: Shqipëria pikë referimi, së shpejti vend anëtar i BE-së

Parlamenti Europian do të hapë në Tiranë një zyrë e cila do të shërbejë si një pikë kyçe kontakti mes…

Global 360

Shmyhal: Ukraina do të garantojë furnizimin me energji për Evropën

Ukraina do të garantojë “furnizimin me energji” për Evropën duke qenë “burimi më i madh i gazit në kontinent”, deklaroi…

Diplovista

Rama për median greke: Ligji absurd i luftës duhet shfuqizuar

Ligji absurd i luftës duhet shfuqizuar, deklaroi kryeministri Edi Rama në një intervistë për televizionin grek ”MegaTV”, pjesë të së…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Rikthim në tempullin e poezisë

Tre vite më parë, me 18 shkurt 2022 u nda nga jeta poeti Bardhyl Londo!

Profil

Një Lider i ri në Diplomaci dhe Fuqizimin e Rinisë

Ambasador Rinor i NATO-s për Shqipërinë, Ambasador Global për Paqen për Kombet e Bashkuara dhe Këshilltar Rinor për OSBE-në

Masmedia

PE hap zyrë për Ballkanin Perëndimor në Tiranë, Rama: Shqipëria pikë referimi, së shpejti vend anëtar i BE-së

Parlamenti Europian do të hapë në Tiranë një zyrë e cila do të shërbejë si një pikë kyçe kontakti mes…