Anagnosti: Shpresojmë në hapjen e shpejtë të kapitullit të marrëdhënieve me jashtë

Takimi i 18-të të Komisionit të Stabilizim-Asociimit BE-Shqipëri.


Zëvendësministrja për Evropën dhe Punët e Jashtme, Silda Anagnosti deklaroi sotse i gjithë spektri politik në vend mbështet procesin e integrimit në Bashkimin Europian.

Në takimin e 18-të të Komisionit të Stabilizim-Asociimit BE-Shqipëri, zv/ministrja Anagnosti vlerësoi mbështetjen e palëkundur që Parlamenti Europian ka dhënë në procesin e integrimit të vendit tonë.

Sipas saj, anëtarësimi i plotë në BE mbetet përparësia e parë strategjike e Shqipërisë.

“Ka një konsensus të përbashkët mes spektrit politik shqiptar në lidhje me këtë, ndërkohë edhe popullsia mbështet anëtarësimin në BE”, tha ajo.

Ajo siguroi se qeveria shqiptare është e fokusuar në axhendën e reformës europiane.

Anagnosti u ndal edhe në zhvillimet ndërkombëtare, konkretisht në agresionin rus në Ukrainën, i cili, theksoi ajo, ka sjellë një zhvendosje të politikës, ndërsa, sipas saj, e bën më të rëndësishëm zgjerimin në BE për efekt të sigurisë së BE-së.

“Ne duhet të përqafojmë proceset rajonale që sjellin palët, dikur të ndara, më pranë njëra-tjetrës duke kërkuar një të ardhme më të ndritur të karakterizuar nga paqja, stabiliteti dhe prosperiteti. Ky është modeli i BE-së i ofruar për Ballkanin Perëndimor prej 2 dekadash, ai model që mbështetet edhe nga qeveria shqiptare”, deklaroi Anagnosti.

Zv/ministrja vuri në dukje nevojën e një proces integrimi të parashikueshëm, i cili nxit përmirësimin e situatës politike, ndërkohë që sjell dhe përfitime para anëtarësimit faktik dhe që siguron stabilitetin rajonal.

“Procesi i integrimit në BE duhet të vazhdojë. Ne kemi marrë vlerësime jo vetëm në raportin e fundit të Parlamentit Europian, por edhe nga Këshilli, veçanërisht me hapjen e grup-kapitujve të parë për çështjet “themelore”, në Luksemburg, në tetor, gjatë konferencës së dytë ndërqeveritare. Vetëm përmes inkurajimit dhe vizionit të së ardhmes mund të inkurajohen qeveritë për të bërë reformat e duhura”, tha zv/ministrja.

Ajo bëri të ditur se administrata publike po përgatitet për hapjen e kapitujve të mëtejshëm në të ardhmen.

“Shqipëria shpreson që kapitulli i 6-të që fokusohet te marrëdhëniet me jashtë të hapet shpejt. Hapja e kapitullit të 6-të bazuar në politikën tonë të jashtme të besnikërisë, është një vendim që duhet të merret shpejt, nëse BE është serioze sa i përket rolit të tij global”, deklaroi Anagnosti.

(ATSH)

Lexo më shumë nga

Ambasada turke në Tiranë, pritje për Ditën e Republikës së Türkiyes

Dita e Republikës së Türkiyes shënohet më 29 tetor për të përkujtuar shpalljen e Republikës së Türkiyes në vitin 1923.

Global 360

“Axhenda për gratë, paqen dhe sigurinë”, Osmani vizitë pune në SHBA

Presidentja e Republikës së Kosovës, Vjosa Osmani ndodhet për një vizitë pune në Shtetet e Bashkuara të Amerikë

Diplovista

Rama për “Berliner Zeitung”: Sot jemi vendi me përparimin më të shpejtë drejt BE

Kryeministri shqiptar Edi Rama flet për ”Berliner Zeitung” për procesin e ngadaltë të anëtarësimit të vendit të tij në BE,…

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

Bektashizmi dhe Shqipëria!

Historia e Bektashinjve është historia e qëndresës ndaj dhunës, gjatë pushtimit fatal të Perandorisë Turke

Profil

Një Lider i ri në Diplomaci dhe Fuqizimin e Rinisë

Ambasador Rinor i NATO-s për Shqipërinë, Ambasador Global për Paqen për Kombet e Bashkuara dhe Këshilltar Rinor për OSBE-në

Masmedia

Ambasada turke në Tiranë, pritje për Ditën e Republikës së Türkiyes

Dita e Republikës së Türkiyes shënohet më 29 tetor për të përkujtuar shpalljen e Republikës së Türkiyes në vitin 1923.