Ministri për Evropën dhe Punët e Jashtme, Igli Hasani ka uruar Radmila Shekerinskas, ish-ministre e Mbrojtjes e Maqedonisë së Veriut, e cila u emërua sot zëvendëssekretare e përgjithshme e NATO-s

“Urime Radmila Shekerinskas së Maqedonisë së Veriut për emërimin e saj si zëvendëssekretare e përgjithshme e NATO-s. Është kënaqësi të shoh këtë rol të rëndësishëm që i besohet për herë të parë një përfaqësueseje të dalluar të një aleati të NATO-s nga Ballkani Perëndimor.

Mezi pres të bashkëpunojmë ngushtë për të adresuar sfidat e sigurisë rajonale dhe globale dhe për të forcuar angazhimin tonë të përbashkët për paqen dhe stabilitetin”, shkruan në një postim në rrjetet sociale kryediplomati Hasani.

Radmila Shekerinska, ish-ministrja e Mbrojtjes e Maqedonisë së Veriut, është emëruar sot zëvendëssekretare e Përgjithshme e NATO-s, njoftoi aleanca ushtarake e Atlantikut të Veriut.

(ATSH)