Kryeministrja italiane Giorgia Meloni ka fituar titullin e personit më të fuqishëm në Evropë të dhënë nga gazeta ”Politico” në renditjen e saj vjetore për vitin 2025.

“Kë telefonon nëse dëshiron të flasësh me Evropën? Nëse je Elon Musk, njeriu më i pasur në botë dhe këshilltari kryesor i presidentit të zgjedhur të SHBA-së, Donald Trump, numri që duhet të telefonosh në Europë është Giorgia Meloni”, shkruan ”Politico”.

Gazeta ndërkombëtare e kurorëzoi kryeministren italiane si personin më të fuqishëm në Evropë për vitin 2025, duke e cilësuar atë si interpretuesen perfekte të ”frymës së kohës” … gjithnjë e më radikale që lulëzon në të dy anët e Atlantikut.

“Në më pak se një dekadë, liderja e krahut të djathtë të ”Vëllezërit të Italisë” shihet si një figurë me të cilën Brukseli dhe tani Uashingtoni, mund të bëjnë biznes“, thekson gazeta në një përshkrim të gjatë që gjurmon ngritjen e Melonit dhe fazat kryesore të dy viteve të qeverisjes së tij, të cilësuar si “një nga më të qëndrueshmet që ka ekzistuar ndonjëherë në Italinë e pasluftës”.

(ATSH)