Autoriteti Kombëtar për Sigurinë Kibernetike (AKSK) njoftoi sot se ka zhvilluar një simulim sulmi kibernetik për testuar dobësitë e sistemeve kritike.

Përmes një postimi në rrjetet sociale, në profilin zyrtar të tij AKSK njofton se simulimi Red vs Blue Team u krye në laboratorin fizik të Autoritetit Kombëtar për Sigurinë Kibernetike.

“Në një mjedis simulimi, Red Team testoi dobësitë e sistemeve kritike, duke synuar ndikim maksimal në sistemet Scada/PLC të qyteteve përmes sulmeve të simuluara. Nga ana tjetër, Blue Team u angazhua në monitorimin, zbulimin dhe ndalimin e këtyre veprimeve në kohë reale.

Ndiq "TiranaDiplomat.com" në Facebook

Rezultatet e këtij simulimi kontribuojnë në identifikimin e hapësirave për përmirësim, forcimin e sigurisë së sistemeve kritike dhe uljen e ndikimit nga sulmet e mundshme kibernetike”, thuhet në njoftim.

Burimi ATSH